Смачна есці! Тры ідэі для святочнага стала
Новы год па-беларуску
Да галоунай ночы ў годзе застаецца зусім крыху: самы час ствараць спісы прадуктаў, якія трэба набыць у краме. Літары прапануюць тры ідэі для навагодняга стала – гэтым разам святкуем Новы год па-беларуску.
Карп ў смятане з грачанай кашай
(на фота вышэй)
Карп – 1 шт. (прыблізна 1 кг)
Цыбуля – 2 шт.
Грэчка – 0,5 шклянкі
Яйка – 1 шт.
Кроп – 1 пучок
Смятана – 3 сталовыя лыжкі
Алей, соль
Зварыць грэчку. Нашаткаваць цыбулю і абсмажыць яе на алеі.
Зварыць яйка, пасекці яго, змяшаць з грэчкай, дробна нарэзаным кропам і цыбулінаю. Заправіць соллю.
Падрыхтаванага карпа вытрыбушыць, старанна прамыць, абсушыць чыстай тканінай, зрабіць некалькі Х-вобразных надрэзаў і нацерці соллю з перцам. Выкласці фарш (кашу з яйкамі) у брушка рыбы. Памазаць рыбу з двух бакоў смятанай і выкласці на ліст фальгі. Запякаць ў духавай шафе пры тэмпературы 180 градусаў прыблізна 50 хвілін.
Пернікі з варэннем
Мука – 320 гр.
Яйка – 1 шт.
Сметанковае масла – 100 гр.
Ягаднае варэнне – 3 сталовыя лыжкі
Цукар – 2 сталовыя лыжкі
Мёд – 1 сталовая лыжка
Мягкае масла змяшаць у місцы з мёдам, цукрам, варэннем і яйкам. У сумесь паступова ўвесці 320 грам мукі. Зрабіць пласт цеста таўшчнынёй з палец і формай выразаць печыва.
Выпякаць пры тэмпературы 180 градусаў 25-30 хвілін (глядзіце, каб печыва не перасохла).
Збіцень
Вада – 600 мл.
Гваздзіка – 8 кветачак
Лаўровы ліст – 4 шт.
Перац у гарошку – 6 шт.
Мускатны арэх – 0,5 чайнай лыжкі
Цукар – 2 чайныя лыжкі
Мёд – 1 чайная лыжка
Давесці ваду да кіпення. Дадаць цукар і ўсе спецыі. Даць вадзе пакіпець 2 хвіліны, зняць з агню і дадаць мёд. Падаваць гарачым.
Няхай ваш Новы год будже такім жа смачным і прыгожым!
ДОРОГИЕ ЧИТАТЕЛИ! СДЕЛАЙТЕ НАМ ПОДАРОК НА НОВЫЙ ГОД - ЗАПОЛНИТЕ АНКЕТУ. Спасибо :)
